Antoine Griezmann i ka siguruar tri pikë të plota skuadrës së tij në ndeshjen si nikoqir ndaj Real Sociedadit.

Me golin e realizuar dy minuta pa përfunduar koha e rregullt e takimit, superylli Antoine Griezmann i ka siguruar fitoren 2 me 1 Atleticos në takimin e xhiros së 14-të në Wanda Metropolitano ndaj Real Sociedadit, shkruan portali arbresh.info.

Skuadra e Adnan Januzajt, i cili nuk ishte në dispozicion për këtë ndeshje, siguroi epërsinë në minutën e 29′ të pjesës së parë duke realizuar nga pika e bardhë. Willian Jose ekzekutoi penalltinë e fituar nga skuadra e tij duke shënuar për 0 me 1.

⏱ 93' | 2-1 | ¡FINAAAAAAAL!

?? ¡REMONTADA en el Wanda @Metropolitano! #AtletiRealSociedad #AúpaAtleti pic.twitter.com/JRbVJvIrHV

— Atlético de Madrid (@Atleti) December 2, 2017

Djelmoshat e Diego Simeones u rikthyen në pjesën e dytë duke barazuar shifrat për 1 me 1 pas më shumë se një ore lojë. Mbrojtësi Filippe Luis realizoi golin e parë në minutën e 63′ pas asistimit nga Saul Niguez.

Por, kur të gjithë mendonin se dy skuadrat do të ndanin pikët, Antonio Griezmann përmbysi rezultatin duke shënuar golin e fitores në minutën e 88′.

Atletico Madridi tani ka 30 pikë dhe qëndron në pozitën e tretë, gjashtë më pak se lideri – Barcelona dhe një më pak se Valencia në pozitën e dytë./arbresh.info/